ಪಯಣದ ದಾರಿ

ಅನುದಿನವು ಜಪಿಸುವ ಹರಿನಾಮವ

ಭಕ್ತಿಯಲಿ ಬೇಡುವಾ ವರವೊಂದನು

ಆರದಿರಲಿ ಬೆಳಕು, ಸರಿಯದಿರಲಿ ಹೊಳಪು

ಹೊಮ್ಮಿರಲಿ ಸೊಬಗು, ಬಾಳ ಪಯಣಕೆ

ದಿವ್ಯ ಮುಕ್ತಿಗೆ!ಪ!

ಗಾಳಿ ಬೀಸಿದಾಗ ವಾಲಿತು ಜ್ವಾಲೆ

ಅಷ್ಟದಿಕ್ಕಿಗೆ,

ಪ್ರಕಾಶಮಾನವಾದ ಹರಿವಿನ ಮಾಲೆ

ಆತ್ಮದೊಳಗಿದೆ,

ಬಂಧುವು, ಬಳಗವು ಬಾಳ ದಾರಿಗೆ

ಬಾಳ ಪಯಣಕೆ!!

ಕಾರ್ಮೋಡ ಸರಿದಾಗ ನೀಲಿಬಾನ ತಾರೆ

ಕೈಯಬೀಸಿದೆ,

ಅರಳಿಬತ್ತಿ ಹಿಡಿಯೆಣ್ಣೆ, ಚೂರುಕಿಡಿ ಸೋಕೆ

ಜ್ಯೋತಿಯಾಗಿದೆ,

ಆರದಂತೆ ದೀಪ ಬೆಳಗ ಬೇಕು ಅಂತ

ಸ್ವಂತ ಬದುಕಿಗೆ!!

 ಶುಭಾ ಗಿರಣಿಮನೆ